Liverpool John Moores University · 2025–2026
الشهادة الدولية في التعليم PGCEi
- خطاب القبول
- قبول غير مشروط بتاريخ 12 ديسمبر 2025 في Postgraduate Certificate in Education (International)، مع منحة دراسية، والبداية يناير 2026
- Induction Module · LJMU-IND-M-100
- مكتملة بتقدير Pass
- Theories and Principles in Education, Teaching and Learning · LJMU-7531-PCEI
- مكتملة بدرجة 64
- الوضع الحالي
- قيد الدراسة، والمواد اللي بعدها مستمرة
هي إيه: شهادة دراسات عليا في التعليم من جامعة ليفربول جون مورس (LJMU) في المملكة المتحدة، بتتدرس أونلاين عن طريق شريكها Unicaf. الصورتين: نتايج المواد اللي خلصتها من بوابة الطلاب، وخطاب القبول. والشهادة نفسها بتتمنح بعد إتمام البرنامج.
أهّلتني لإيه: إتقان اللغة حاجة، وإنك تعرف تدرّسها حاجة تانية. البرنامج ده عن التدريس نفسه، وأول مادة فيه كانت عن النظريات والمبادئ اللي ورا التعلّم.
اللي اتعلمته لحد دلوقتي:
- إزاي الناس بتتعلم: النظريات الكبيرة للتعلّم، من التكرار والتعزيز، للفهم وتنظيم المعلومة في الدماغ، للتعلّم اللي بيتبني بالتجربة والتفاعل مع الآخرين.
- الخطوة الجاية المناسبة: فكرة Vygotsky عن المسافة بين اللي الطالب يقدر يعمله لوحده واللي يقدر يعمله بمساعدة، والدعم المؤقت (Scaffolding) اللي بيتشال لما الطالب يقف على رجله.
- أهداف ليها مستويات: تصنيف Bloom، من التذكّر والفهم للتطبيق والإنتاج، عشان كل حصة يبقى ليها هدف واضح يتقاس.
- التقييم اللي بيعلّم: الفرق بين التقييم أثناء التعلّم (formative) والتقييم في الآخر (summative)، والتغذية الراجعة اللي بتقول للطالب يعمل إيه بعدها.
- الطلاب مش نسخة واحدة: التدريس المتمايز لمجموعة فيها مستويات وسرعات مختلفة، ودور الدافع والثقة في التعلّم.
- المدرّس اللي بيراجع نفسه: الممارسة التأملية، إنك بعد كل حصة تسأل إيه اللي نجح وإيه اللي محتاج يتغير، وتكتب شغلك الأكاديمي بالأدلة والمراجع.
بستخدمها إزاي معاك: كل حصة ليها هدف مكتوب، والقاعدة الجديدة بتبدأ بمثال ودعم كتير وبعدين الدعم بيقل لحد ما تقولها لوحدك. بعد كل فصل اختبار قصير يوريك ويوريني إنت واقف فين، والتصحيح بييجي في وقته ومعاه إزاي تصلّح الغلط. وبعد كل مجموعة براجع إيه اللي اشتغل وإيه اللي محتاج يتغير في المجموعة اللي بعدها.