بما انى كنت بادئه لغه المانى تعليم ذاتى من فتره ..وقررت ابدأ كورس herr /mohamed كان الاختيار الأمثل بالنسبالي لأن الاكونت عنده ببدل على شغفه باللغه ..بجد ومندمتش لحظه انا وزملائي فى الكورس على اختيارنا ليه وأوضح ليه
@IchbinMohamed
8 يناير 2026 · منشور على X
وكمّلت في ردود على منشورها:
اولا / دراسته فى معهد جوته وباين على خبرته فى التحدث والتدريس مش التدريس فقط والا كان اي حد حافظ جدول ضرب درس رياضيات..
ثانيا وده الاهم ويمكن زملائي فى الكورس ملاحظين استاذ محمد عنده ثبات انفعالي وصبر انا ماشوفتوش ف اي حد خدت معاه كورسات قانون لمجالى بالكليه
ثالثا وده الاهم بيخلينا بمنتهى الذوق مش الاحراج نشارك فى المحادثه مع انى كنت استحاله اتكلم كلمه المانى قدام حد عشان خايفه انطق ..كان أخري Entschuldigung
فهو فعلا بيشتغل بضمير وبيدي الوقت الكافى للأسئله بعد الليكتشر
رابعا/ الكتاب فعلا مختلف عن منشن لانى جربت الاتنين فال بيدرس منه هيعرف الفرق..فإختياره للكتاب ده اختيار موفق .
واخيرا ..الل فاهم فاللغه عامة هيعرف ان اللغه تحدث وبراكتيس اكتر من ١+١ يساوى اتنين .وانا عشان عارفه المعلومه دى ..اختبرت هير محمد فى أول ليكتشر أنه مابدأش بالتحفيظ خبط لزق كده فى الاول ..وبكرر ال فاهم لغه كويس هيعرف انا قصدى ايه.
وانا بقول كده عشان من لا يشكر لا يُشكر ..وده بيبقى ع جروب الكورس تقييم للمحاضرات ..بس كان لازم افيد غيري هنا ع تويتر لل حابب اللغه أنه يبدأ معاه من غير ما يتردد ..وحبيت افيد الناس يعنى ..وأيا كان هدفك فى اللغه حبا فى التعلم أو كارير او سفر .والسلام عليكم .
